SEMANA DAS LETRAS GALEGAS

Na semana das Letras galegas puxemos en marcha diferentes actividades arredor da nosa lingua e da figura de Manuel María.
Levamos a cabo o "II Concurso Literario Letras Galegas" e o venres 20, celebramos o acto de entrega de premios aos traballos elexidos.
Tamén fixemos unha representación de títeres sobre a obra de Manuel María "O bigote de Mimí".

Photocall Manuel María

Este ano decidimos organizar un photocall  arredor da figura de Manuel María. Puxemos un fondo bonito e as persoas tíñanse que poñer diante sostendo un bocadillo cun lema relacionado co autor homenaxeado... aínda que tamén os tivemos sen relación ninguna con el.
Á espera de procesar as fotos "con persoas", deixamos aquí as fotos sen persoas, isto é, a dos bocadillos, para ir abrindo boca...

DÍA DA ÁRBORE

Dende o EDNL en colaboración co Departamento de Ciencias Naturais vimos de celebrar o Día da Árbore plantando dez árbores e arbustos (un por grupo de primaria) co seu correspondente poste identificativo no que indicamos o nome científico e en galego. As especies plantadas foron: ameneiro, sabugueiro, sanguiño, uz, xesta, rascacús, pereira brava, acivro, fenta e buxo. Todos elas especies autóctonas.
A actividade vén a completar a iniciada o curso pasado cando se plantaron catro árbores e se identificaron vinteún.
Temos idea de continuar en cursos vindeiros con esta actividade, pois parécenos do máis interesante coñecer as árbores do noso centro e do noso país.

DÍA DA ÁRBORE 1º-3º

PERSONAXES INFANTÍS DE CONTOS. 18-22 ABRIL

DÍA DE ROSALÍA. 24 DE FEBREIRO

A ESCOLA. 14-19 FEBREIRO

PARTES DA CARA. 22-25 FEBREIRO

A través do proxecto Falantes coma Nós, o EDNL do Mosteiro quere facer unha inmersión no contexto lingüístico europeo para buscar as semellanzas e as diferenzas entre o galego e outras linguas nunha situación social semellante, co obxectivo de entendermos o funcionamento das comunidades lingüísticas, descubrir moitísima máis diversidade da aparentemente oficial e saber que a nosa lingua é moito moito máis importante a nivel internacional do que pensabamos (a nivel persoal é a máis importante do mundo, sen dúbida!!).
Comezamos co gaélico; a ver que che parece como quedou! Saberás responder as preguntas que están ao final?

Pois isto é so o comezo! Xa están a piques de saír do forno outras linguas coma o manés, o dálmata ou o retorromance... E onde se falará iso??

O PORCO E O COCIDO. 15 - 19 NOVEMBRO